«Միլանի» ու Շվեդիայի հավաքականի հարձակվող Զլատան Իբրահիմովիչը խոսել է Ֆուտբոլի Եվրոպայի 2020 թ. առաջնությունը բաց թողնելու մասին:
«Ցավալի է, որ ես այնտեղ չեմ լինի, բայց երբեք չեմ հանձնվի», — Իբրահիմովիչին է մեջբերում Football Italia- ն:
Հիշեցնենք, որ Իբրահիմովիչը վնասվածք էր ստացել ու փոխարինվել է Իտալիայի Ա Սերիայի 35-րդ տուրի «Յուվենտուսի» դեմ խաղում (3: 0):
Ավելի ուշ հայտնի դարձավ, որ հարձակվողն այս մրցաշրջանում այլևս խաղադաշտ դուրս չի գա, իսկ մայիսի կեսերին Շվեդիայի ազգային հավաքականի գլխավոր մարզիչ Յան Անդերսոնը հայտարարեց, որ Զլատանը բաց կթողնի Եվրո-2020-ը: Անցած մրցաշրջանում 39-ամյա խաղացողը մասնակցել է Իտալիայի Ա Սերիայի 19 հանդիպման, դարձել 15 գոլի հեղինակ (երեքը 11 մետրանոցից) և կատարել երկու գոլային փոխանցում:
