Ռուս թենիսիստ Ասլան Կարացևը Բելգրադի մրցաշարի կիսաեզրափակչում 7:5, 4:6, 6:4 հաշվով սենսացիոն հաղթանակ է տարել աշխարհի առաջին ռակետ, սերբ Նովակ Ջոկովիչի նկատմամբ։
Հանդիպումը տևել է 3 ժամ 25 րոպե։ Կարացևը 4 կրկնակի սխալ է թույլ տվել ու 16 բրեյք-փոինթներից հաջող է իրացրել 6-ը։ Ջոկովիչի ակտիվում 2 էյս կա, 5 կրկնակի սխալ կա և 5 իրացրած բրեյք՝ 28-ից։
Ջոկովիչի նկատմամբ տարած հաղթանակի շնորհիվ Կարացևը դուրս է եկել մրցաշարի եզրափակիչ, որտեղ կմրցի Տարո Դանիել (Ճապոնիա)-Մաթեո Բերետինի (Իտալիա) զույգի հաղթողի հետ։