«Չելսիի» նախկին կիսապաշտպան Ջոն Օբի Միկելը հայտնել է, որ «Ռեալի» ֆուտբոլիստ Էդեն Ազարը կարող էր դառնալ աշխարհի լավագույն ֆուտբոլիստը, եթե քրտնաջան մարզվեր։
«Միշտ ասել եմ, որ Ազարը աշխարհի ամենաշնորհալի խաղացողներից մեկն է, նա ամեն ինչ ուներ։ Նա միանգամից Մեսսիից ու Ռոնալդուից հետո էր գնում։ Երբեմն նա ասում էր․ «Այո, ես ուզում եմ աշխարհի լավագույն խաղացողը լինել, բայց չեմ կարող։ Ես այնքան լավը չեմ, որքան Մեսսին, որովհետև նա այլ մոլորակից է, բայց կարծում եմ, որ կարող եմ հասնել Ռոնալդուի մակարդակին»։ Բայց նա այնքան էլ նվիրված չէ ֆուտբոլին։ Նա վատ էր մարզվում, չեմ տեսել մի խաղացողի, որն ավելի վատ մարզվեր, քան Ազարը»,- Միկելի խոսքերն է փոխանցում TribalFootball-ը։
