Շվեյցարացի թենիսիստ Ռոջեր Ֆեդերերը պատմել է, թե որտեղ է նշելու Սուրբ Ծնունդն ու Ամանորը։ 39-ամյա շվեյցարացին խոսել է նաև մարզումների ու 2021 թվականի մրցաշրջանին նախապատրաստվելու մասին։
«Տոներին մենք Դուբայում կլինենք։ Երեխաներ ունենալուց հետո Սուրբ Ծնունդը տանը մենք նշել ենք մեկ անգամ։ Դա շատ լավ էր, սակայն ինչ-որ չափով ծանրաբեռնված։
Եթե Շվեյցարիայից միանգամից գնալ Ավստրալիա, ճանապարհը չափազանց երկար ու հոգնեցուցիչ է ստացվում, ու ցուրտ մարզասրահում մարզվելը լավագույն պայմանները չեն։
Հիմա ես պետք է լավ ստուգեմ ծունկս ու հուսամ, որ պատրաստ կլինեմ Australian Open-ին։ ԱՄեն դեպքում, որտեղ էլ մենք լինենք ընտանիքով, եթե մենք միասին ենք, ապա այդ տեղը դառնում է տուն մեզ համար»,-Ֆեդերերի խոսքն է մեջբերում Schweizer Illustrierte-ը։
Ավելի վաղ հայտնի էր դարձել, որ Ֆեդերերը կարող է բաց թողնել Australian Open-ը, քանի որ ծնկի վնասվածքից ամբողջությամբ չի ապաքինվել։
