Քիչ առաջ ավարտվեց Հայաստանի հավաքականի կիսապաշտպան Գևորգ Ղազարյանի ասուլիսը, որի ընթացքում նա պատասխանեց հայ և վրացի լրագրողների ուղղած հարցերին: Ասուլիսը, տեքստային տարբերակով, ներկայացնում ենք ստորև.
-Ազգերի Լիգայի եզրափակչում Վրաստանի հավաքականի պարտությունը Հյս. Մակեդոնիայից սոց. ցանցերում ուրախացրել էր շատ հայերի: Ինչպե՞ս եք նայում այդ փաստին, դուք ինչպե՞ս եք վերաբերում դրան և ինչքանո՞վ վաղը կրած պարտությունը կխանգարի վրացիներին:
-Միգուցե, որոշ երկրպագուներ ուրախացել են Հյս. Մակեդոնիայի հաղթանակով, սակայն կլինեն նաև վրացիների պարտության պատճառով տխրած հայեր: Հասկանալի է, որ Վրաստանի համար դժվար է պարտվել նման խաղում, և թիմը կունենա հոգեբանական խնդիրներ, բայց մենք պետք է կենտրոնանաք մեր խաղի վրա:
՛-Մխիթարյանի բացակայությամբ, ամենայն հավանականությամբ, դաշտում դուք եք լինելու առաջատարը: Պատրա՞ստ եք ստանձնել առաջատարի դերը:
-Ես պատրաստ եմ առաջատար լինել, սակայն կարծում եմ, որ վաղը ամեն մեկս պետք է փորձի լինել առաջատար. պետք է ներկայանանք առաջատար հավաքականի կերպարով:
-Կարո՞ղ է Հայաստանի հավաքականը հաղթել և՛ Վրաստանին, և՛ Հյս. Մակեդոնիային ու խմբում գրավել առաջին հորիզոնականը:
-Այո՛, կարող է, ես հավատում եմ, որ մենք կարող ենք 2 խաղում էլ հաղթել:
-Գևորգ, հավաքականում աշխատել եք տարբեր մարզիչների գլխավորությամբ: Ի՞նչ նորարարություն է իսպանացի մասնագետը բերել հավաքական:
-Ավելի շատ ուշադրություն ենք դարձնում տակտիկական շարժումներին, տեղաշարժերին ու ճիշտ գոտիներ ընտրելուն:
Հիշեցնենք, որ Ազգերի Լիգայի խմբային փուլի 5-րդ տուրի շրջանակում նախատեսված Հայաստան-Վրաստան խաղը կկայանա վաղը և կմեկնարկի 21:00-ին:
