Հեշտ է դարպասում լինել երրորդը, երբ դրանից դուրս առաջինն ես. Անհայտ հերոս Տոմազոն

Այս աշխարհը հաղթողներինն է. կարծում եմ, որ հաճախ եք լսել այս պնդումը: Առաջին պլանում նրանք են, ովքեր իրենց կյանքում հասել են մեծ հաջողությունների: Ֆուտբոլային աստղերից շատերը դեմ չէին լինի այս մտքին:

Գեղեցիկ մեքենաներ, որոնց մեջ նստած են գեղեցիկ կանայք: Գեղեցիկ կանայք, որոնց մեջ ապրում է գեղեցիկ և թանկարժեք զարդեր ունենալու փափագը:

Գեղեցիկ և թանկարժեք զարդեր, որոնց գինը շատերի մոտ առաջացնում է ոչ այդքան գեղեցիկ նախանձ ՝  դրանք կրող գեղեցիկ կանանց նկատմամբ:

Եվ վերջիվերջո, նախանձ, որը ի տարբերություն գեղեցիկ կանանց և զարդերի, լիովին անվճար է և հասանելի մեզնից յուրաքանչյուրին:

Այդուհանդերձ, ընդունենք ՝ երջանկության զգացումը միշտ չէ, որ համեմատական է հարստությանը և հաջողությանը:

Սրա լավագույն ապացույցներից մեկը իտալացի դարպասապահ Տոմազո Բերնին է: 37-ամյա դարպասապահն իր ակումբային կարիերայի 21 տարիների ընթացքում, անցկացրել է ընդամենը 104 հանդիպում:

Լավագույն մրցաշրջաններն էլ անցել են B Սերիան ներկայացնող «Տերնանա» ակումբում: Շքեղությամբ և փայլով լեցուն կարիերա չէ, ճի՞շտ է.

«Ինտերի» մարզադպրոցի սանը 6 տարի առաջ վերադարձավ իր հարազատ ակումբ և դարձավ միլանյան ակումբի երրորդ դարպասապահը:

Նշենք, որ երրորդ դարպասապահ լինելը յուրահատուկ առաքելություն է:

Այս տարների ընթացքում Տոմազոն ոչ մի անգամ խաղադաշտ դուրս չի եկել, բայց հասցրել է երկու կարմիր քարտի արժանանալ ՝ մրցավարների հասցեին վիրավորական արտահայտությունների համար:

Տոմազոն տարեկան վաստակում է 200.000 եվրո, ինչը մերօրյա ֆուտբոլիստի համար աշխատավարձ չէ, այլ ՝ «աղքատավարձ»:

Ավելին, մեր այսօրվա հերոսին չեն ճանաչում սեփական ակումբի երկրպագուները: Թիմի ակումբային խանութում Տոմազոն մեկ օր աշխատեց որպես վաճառող և այցելուների 80%-ի մտքով էլ չանցավ, որ նրանք զրուցում են «Ինտերի» դարպասապահի հետ:

Կարծում եք ՝ Տոմազոն տխրու՞մ է…

Ոչ, ոչ. այս տղան բոլորից լավ գիտի, որ կյանքում հաճույք կարելի է ստանալ չնչին թվացող բաներից:

«Երբ 2014-ին ինձ հրավիրեցին «Ինտեր», մի պահ մտածեցի, որ նրանք գժվել են: Հետո հասկացա, որ ինձ գնահատում են այստեղ և զգում են իմ նվիրվածությունն այս ակումբի նկատմամբ:

«Լացիոյում» պահեստային դարպասապահ լինելու տարիներին, սիրում էի նստել տրիբունայում և երկրպագուների հետ բղավել մրցավարների վրա: Դա ինձ ավելի է դուր գալիս, քան միլիոնավոր եվրո արժեցող աշխատավարձը»,-անկեղծացել էր 37-ամյա դարպասապահը:

 

 

View this post on Instagram

 

👰🏼❤🤵🏻 03.01.19 We have chosen to get married here, in Africa, where humanity has begun its long journey on this planet, where nature is still uncontaminated and struggles every day for survival, where ancient tribes patiently weave dreams and ancient ceremonies from long time; to remind us that our love is like theese trees, with strong roots, like the eyes of this people, with a pure soul and like the light of these sunsets, full of magic. We have chosen an ancient ritual , a simple and intimate ceremony, with all the blessings, the souls and hearts of our families, friends and ancestors, they were with us in every look, every smile every promises….The Mother Earth guiding spirits have united us forever … a promise of an ancestral love that I made to you because you are the best human being I have ever met …. between tears of joy, unforgettable smiles, songs, dancing ,hugs and the great free arms of Mama Africa. Like sources that flow from the earth suddenly and that turn into rivers, like streams of water that are born separate to end together in one , like the sea and the wild land that ends up welcoming us all. With the protection of the spirits we met again. You are my soul and I am yours, you will look for me and so I will do … here and now, now and forever, Your husband , in this life and in all the others that will come, we will walk hand in hand on this land and over a thousand others. @lunariot #justmarried #officiallyhusbandandwife #pokotceremony

A post shared by TommyBerni (@tommybcm) on Jan 6, 2019 at 5:02am PST

Կարծում եմ, որ զգացիք ՝ Տոմազոն յուրահատուկ տղա է, ով իր սիրելիին ամուսնության առաջարկ է արել աֆրիկյան ցեղերից մեկի բնակավայրում: Նա մի տղա է, ով շրջում է տափաստաններով և չի վախենում կյանքին նայել պարզ հայացքով:

Տոմազոյի պայմանագիրը միլանյան ակումբի օգոստոսին մոտեցավ իր ավարտին:

Արդեն մի քանի շաբաթ է, ինչ «հավերժ երրորդը» ազատ գործակալի կարգավիճակ ունի: Չնայած, ազատությունը միշտ էլ ընտրել է Տոմազոյին: Սա այն միությունն է, որը չունի վաղեմության ժամկետ:

 

 

View this post on Instagram

 

Stay free, stay wild , connect with yourself, Mother Nature is our home @lunariot 🌿🌊 #mothernature #staynaked

A post shared by TommyBerni (@tommybcm) on Jun 10, 2019 at 7:24am PDT

Այս մարդու օրինակը գալիս է ապացուցելու, որ հարստությունն ու հանրաճանաչությունը չեն կարող փոխարինել ներքին ազատության և ներդաշնակության զգացմանը:

«Եթե բումերանգը չի վերադառնում, ուրեմն նա ընտրել է ազատությունը». Ստանիսլավ Եժի Լեց

Նարեկ Գրիգորյան