Աշխարհի 2026 թվականի առաջնության եզրափակիչում Արգենտինայի նկատմամբ տարած դրամատիկ հաղթանակից (1:0) հետո Իսպանիայի ազգային հավաքականը վերադարձել է հայրենիք: Մադրիդում մեկնարկել են լայնամասշտաբ տոնակատարությունները՝ նվիրված «Ֆուրիա Ռոխայի» պատմության մեջ աշխարհի երկրորդ գավաթին:
Իսպանիայի հավաքականի պատվիրակությունը վայրէջք է կատարել Մադրիդի «Բարախաս» օդանավակայանում: Ինքնաթիռից առաջինը դուրս է եկել հավաքականի ավագ Ռոդրին՝ գլխավերևում պահելով բաղձալի գավաթը: Նրան ուղեկցել են գլխավոր մարզիչ Լուիս դե լա Ֆուենտեն և Իսպանիայի ֆուտբոլի ֆեդերացիայի նախագահ Ռաֆայել Լոուսանը:
👑Los campeones del mundo ya están en el Palacio de la Zarzuela
La selección española visita a los Reyes tras conquistar el #MundialRTVE ⭐⭐#EspañaSuperestrella #LaSegundaEsNuestra
⭕https://t.co/qSayUdEPKg pic.twitter.com/xyl3ZT4pgi
— RTVE (@rtve) July 20, 2026
Հավաքականի առաջին պաշտոնական կանգառը եղել է Սարսուելա պալատը, որտեղ ֆուտբոլիստներին ընդունել է Իսպանիայի թագավորական ընտանիքը՝ Ֆիլիպ VI թագավորի գլխավորությամբ:
«Դուք հաղթեցիք ողջ Իսպանիայի համար: Մեզ համար մեծ պատիվ էր տեսնել ձեր խաղն ու հիմա ընդունել ձեզ մեր տանը: Չնայած հոգնածությանը՝ դեռ շատ եք տոնելու և վայելելու եք այս պահը: Դուք վաստակել եք այդ ամենը», — նշել է թագավորը՝ խաղացողներին հանձնելով հուշամեդալներ և հատուկ մարզաշապիկներ։
🙌 Llegan los jugadores de la selección a Zarzuela
🇪🇸 España comienza su camino antes de la celebración y paran en la primera recepción oficial
📻 #PartidazoCOPE pic.twitter.com/G1ELPsxX8T
— El Partidazo de COPE (@partidazocope) July 20, 2026
Թագավորական ընդունելությունից հետո ֆուտբոլիստներն ուղևորվել են Լա Մոնկլոա պալատ՝ հանդիպելու երկրի վարչապետ Պեդրո Սանչեսին: Դրան հաջորդել է տոնակատարության ամենասպասված հատվածը՝ բաց ավտոբուսով շքերթը մայրաքաղաքի փողոցներով, որի եզրափակիչ կետը ավանդական Սիբելես հրապարակն է։ Այնտեղ հազարավոր երկրպագուների համար կազմակերպվել է համերգային ծրագիր՝ հայտնի արտիստների մասնակցությամբ։
Երկրպագուների կողմից ամենասպասված հերոսներից մեկը Ֆեռան Տորեսն է, ում խփած միակ գոլը լրացուցիչ ժամանակի 106-րդ րոպեին Իսպանիային բերեց չեմպիոնի տիտղոսը:
ՈւԵՖԱ-ն առանձնահատուկ շնորհավորել է Իսպանիային՝ ընդգծելով թիմի անհավանական ցուցանիշը. 38 անընդմեջ խաղ առանց պարտության, ինչը բացարձակ ռեկորդ է եվրոպական տղամարդկանց հավաքականների պատմության մեջ:
Այս հաղթանակով Իսպանիան հաստատեց իր բացարձակ գերիշխանությունը համաշխարհային ֆուտբոլում: Ներկայումս իսպանացիները միաժամանակ տիրում են Աշխարհի, Եվրոպայի և Օլիմպիական խաղերի չեմպիոնի տիտղոսներին, ինչպես նաև հանդիսանում են Ազգերի լիգայի գործող գավաթակիր (2023թ.):
Հավելենք, որ ԱԱ-2026-ի եզրափակիչի լրացուցիչ ժամանակը Իսպանիայում հավաքել է ավելի քան 15,2 միլիոն հեռուստադիտող՝ դառնալով իսպանական հեռուստատեսության պատմության երկրորդ ամենադիտված իրադարձությունը՝ զիջելով միայն Եվրո-2012-ի Պորտուգալիայի դեմ խաղի հետխաղյա 11-մետրանոցներին:
Ի պատիվ աշխարհի նորընծա կրկնակի չեմպիոնների՝ այս գիշեր Մադրիդի Թագավորական պալատի բոլոր ճակատային հատվածները կլուսավորվեն կարմիր գույնով:
