Այսօր՝ սեպտեմբերի 22-ին, Փարիզի «Շատլե» թատրոնում տեղի կունենա France Football ամսագրի կողմից տարվա լավագույն ֆուտբոլիստին «Ոսկե գնդակ» մրցանակի հանձնման արարողությունը։ Ֆրանսիական հեղինակավոր պարբերականի այս մրցանակը համարվում է ֆուտբոլի ամենապատվավոր մրցանակը։
Ով է որոշում «Ոսկե գնդակի» հաղթողին
Լավագույն ֆուտբոլիստի համար քվեարկում են ՖԻՖԱ-ի վարկանիշի առաջին 100 երկրների սպորտային լրագրող-ներկայացուցիչները։ Մրցանակը շնորհվում է 2024/25 մրցաշրջանի, այլ ոչ թե օրացուցային տարվա արդյունքներով։
Ով է ամենից հաճախ ստացել «Ոսկե գնդակը»
Ամենաշատ «Ոսկե գնդակ» ստացած խաղացողը «Ինտեր Մայամիի» և Արգենտինայի հավաքականի ավագ Լիոնել Մեսսին է։ Նա մրցանակը նվաճել է ութ անգամ՝ 2009, 2010, 2011, 2012, 2015, 2019, 2021 և 2023 թվականներին։
Նրա մոտակա հետապնդող Կրիշտիանու Ռոնալդուն ունի հինգ մրցանակ։ Սակայն այս անգամ ո՛չ արգենտինացին, ո՛չ պորտուգալացին նույնիսկ առաջադրված չեն։ Նաև բացակայում է 2024 թվականի «Ոսկե գնդակի» դափնեկիր Ռոդրին (Ռոդրիգո Էրնանդես, «Մանչեսթեր Սիթի»), ով 2024/25 մրցաշրջանի մեծ մասը բաց է թողել ծանր վնասվածքի պատճառով։
Ինչ մրցանակներ կհանձնվեն արարողության ժամանակ
«Ոսկե գնդակ» կստանան ինչպես լավագույն ֆուտբոլիստը, այնպես էլ լավագույն ֆուտբոլիստուհին։ Բացի այդ, կշնորհվեն մրցանակներ մրցաշրջանի լավագույն դարպասապահին (Լև Յաշինի անվան մրցանակ), 21 տարեկանից ցածր լավագույն երիտասարդ խաղացողին, մարզչին, ռմբարկուին և ակումբին։
«Ոսկե գնդակի» հավակնորդներ (տղամարդիկ)
Ջուդ Բելինգհեմ («Ռեալ»)
Ուսման Դեմբելե (ՊՍԺ)
Ջանլուիջի Դոնարումա (ՊՍԺ)
Դեզիրե Դուե (ՊՍԺ)
Դենզել Դումֆրիս («Ինտեր»)
Սերու Գիրասի («Բորուսիա Դորտմունդ»)
Վիկտոր Յոքերեշ («Սպորտինգ» / «Արսենալ»)
Էրլինգ Հալանդ («Մանչեսթեր Սիթի»)
Աշրաֆ Հակիմի (ՊՍԺ)
Հարի Քեյն («Բավարիա»)
Խվիչա Կվարացխելիա («Նապոլի» / ՊՍԺ)
Ռոբերտ Լևանդովսկի («Բարսելոնա»)
Ալեքսիս Մակալիստեր («Լիվերպուլ»)
Լաուտարո Մարտինես («Ինտեր»)
Կիլիան Մբապե («Ռեալ»)
Սքոթ Մակտոմինեյ («Նապոլի»)
Նունու Մենդեշ (ՊՍԺ)
Ժոաու Նևեշ (ՊՍԺ)
Մայքլ Օլիսե («Բավարիա»)
Քոուլ Փալմեր («Չելսի»)
Պեդրի («Բարսելոնա»)
Ռաֆինյա («Բարսելոնա»)
Դեկլան Ռայս («Արսենալ»)
Ֆաբիան Ռուիս (ՊՍԺ)
Մոհամեդ Սալահ («Լիվերպուլ»)
Վիրջիլ վան Դայկ («Լիվերպուլ»)
Վինիսիուս Ժունիոր («Ռեալ»)
Վիտինյա (ՊՍԺ)
Ֆլորիան Վիրց («Բայեր» / «Լիվերպուլ»)
Լամին Յամալ («Բարսելոնա»)
«Ոսկե գնդակի» հավակնորդներ (կանայք)
Սանդի Բալտիմոր («Չելսի»)
Բարբարա Բանդա («Օռլանդո Փրայդ»)
Այտանա Բոնմատի («Բարսելոնա»)
Լյուսի Բրոնզ (Անգլիա, «Չելսի»)
Կլարա Բյուլ («Բավարիա»)
Մարիոնա Կալդենտեյ («Արսենալ»)
Սոֆյա Կանտորե («Յուվենտուս» / «Վաշինգտոն Սպիրիթ»)
Ստեֆ Քեթլի («Արսենալ»)
Թեմվա Չավինգա («Կանզաս Սիթի»)
Մելշի Դյումորնե («Լիոն»)
Էմիլի Ֆոքս («Արսենալ»)
Քրիստիանա Ջիրելի («Յուվենտուս»)
Էսթեր Գոնսալես («Գոթեմ»)
Կարոլինե Գրեհեմ-Հանսեն («Բարսելոնա»)
Պատրիսիա Գիխարո («Բարսելոնա»)
Ամանդա Գուտիերես («Պալմեյրաս»)
Հաննա Հեմփթոն («Չելսի»)
Պերնիլե Հարդեր («Բավարիա»)
Լինդսի Հիփս («Լիոն»)
Քլոի Քելի («Մանչեսթեր Սիթի» / «Արսենալ»)
Ֆրիդա Մոնում («Արսենալ»)
Մարթա («Օռլանդո Փրայդ»)
Կլարա Մատեո («Պարի»)
Էվա Պայոր («Բարսելոնա»)
Կլաուդիա Պինա («Բարսելոնա»)
Ալեքսիա Պուտելյաս («Բարսելոնա»)
Ալեսիա Ռուսո («Արսենալ»)
Յոհաննա Ռյութինգ-Կաներյուդ («Չելսի»)
Քերոլայն Վեյր («Ռեալ»)
Լեա Ուիլյամսոն («Արսենալ»)
Լև Յաշինի անվան մրցանակի հավակնորդներ (լավագույն դարպասապահ)
Ալիսոն («Լիվերպուլ»)
Յասին Բունու («Ալ-Հիլալ»)
Լուկա Շևալյե («Լիլ»)
Տիբո Կուրտուա («Ռեալ»)
Ջանլուիջի Դոնարումա (ՊՍԺ)
Էմիլիանո Մարտինես («Ասթոն Վիլա»)
Յան Օբլակ («Ատլետիկո»)
Դավիդ Ռայա («Արսենալ»)
Մատս Սելս («Նոթինգհեմ Ֆորեսթ»)
Յան Զոմեր («Ինտեր»)
Լավագույն երիտասարդ խաղացողի մրցանակի հավակնորդներ
Այուբ Բուադի («Լիլ»)
Պաու Կուբարսի («Բարսելոնա»)
Դեզիրե Դուե (ՊՍԺ)
Էստևաո («Պալմեյրաս» / «Չելսի»)
Դին Հոյսեն («Բորնմութ» / «Ռեալ»)
Մայլս Լյուիս-Սքելի («Արսենալ»)
Ռոդրիգու Մորա («Պորտու»)
Ժոաու Նևեշ (ՊՍԺ)
Լամին Յամալ («Բարսելոնա»)
Քենան Յըլդըզ («Յուվենտուս»)
