🎥📷 Շչեսնին՝ ծխելու, Ռեալը՝ տուն․ Բարսելոնան Սուպերկլասիկոյում ջախջախեց Ռեալին

Իսպանիայի Սուպերգավաթ, Եզրափակիչ
«Ռեալ» — «Բարսելոնա»՝ 2:5
Մարզադաշտը՝ «Քինգ Աբդուլա Սպորտս Սիթի» (Ջեդդա, Սաուդյան Արաբիա)
Հանդիպման մրցավարը՝ Խեսուս Խիլ Մանսանո (Իսպանիա)

Այսօր կայացավ Իսպանիայի Սուպերգավաթի՝ «Ռեալ»-«Բարսելոնա» հանդիպումը, որն ավարտվեց Հանսի Ֆլիկի թիմի հաղթանակով՝ 5-2 հաշվով։

Առաջին խաղակեսից հետո հաշիվը 4-1 էր՝ հօգուտ կատալոնական ակումբի։ «Ռեալի» ֆրանսիացի հարձակվող Կիլիան Մբապեն Մադրիդ տեղափոխվելուց հետո առաջին գոլը խփեց «Բարսելոնայի» դարպասը` հանդիպման 5-րդ րոպեին։ 22-րդ րոպեին կատալոնական թիմի կազմում հաշիվը հավասարեցրեց Լամին Յամալը։

Հանդիպման 37-րդ րոպեին արդեն կատալոնացիներն առաջ անցան հաշվի մեջ․ աչքի ընկավ Ռոբերտ Լևանդովսկին (11մ), իսկ քիչ անց՝ նաև Ռաֆինյան։ Ավելացված 10-րդ րոպեին հաշիվն ավելի խոշոր դարձրեց Բալդեն։

 

1 of 29

- +

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

Երկրորդ խաղակեսի մեկնարկում Ռաֆինյան դուբլ ձևակերպեց, իսկ 57-րդ րոպեին կատալոնացիների դարպասապահ Վոյցեխ Շչեսնին վտանգավոր սահընկումով կանխեց Մբապեի գրոհը, ինչի պատճառով հեռացվեց խաղադաշտից։ Փոխարինման մտած Ինյակի Պենյան չկարողացավ հեռացնել «Ռեալի» հարձակվող Ռոդրիգոյի հարվածը՝ 2-5:

Նշենք, որ պատմության մեջ առաջին անգամ «Բարսելոնան» երկու անգամ անընդմեջ Էլ Կլասիկոյում նվազագույնը 4 գնդակ է ուղարկում «Ռեալի» դարպասը։ Նախորդ հանդիպումը Ֆլիկի սաները հաղթել էին 4-0 հաշվով։

«Բարսելոնան» 15-րդ անգամ նվաճեց Իսպանիայի Սուպերգավաթը։ Դա մրցաշարի ռեկորդն է։ «Ռեալն» այն նվաճել է 13 անգամ։

Ֆուտբոլիստների գնահատականները

Հանդիպման տեսությունը

! pic.twitter.com/oNI37RtVUZ

— FC Barcelona (@FCBarcelona) January 12, 2025