Կրիշտիանու Ռոնալդուն, ով վերջերս նշել էր, որ Լիգա 1-ի ֆուտբոլը ցածր մակարդակի վրա է համեմատած Սաուդյան Պրո լիգայի հետ, անսպասելի պատասխան է ստացել Ֆրանսիայի առաջնությունից։
Լիգա 1-ի պաշտոնական սոցիալական էջը հրապարակել է Լիոնել Մեսսիի լուսանկարը, որտեղ վերջինս պահում է Աշխարհի գավաթի տիտղոսը և «Մրցաշարի լավագույն խաղացող» մրցանակը: Պատկերին կցվել է հետևյալ գրությունը. «Լիոնել Մեսսին խաղում է 38 աստիճան տաքության պայմաններում»: Սա հղում էր Ռոնալդուի այն դիտարկմանը, թե Լիգա 1-ի ֆուտբոլիստները դժվար թե հաջողեին նման ջերմաստիճանի պայմաններում։
Leo Messi jugando con 38 grados 🌟🇦🇷🐐 pic.twitter.com/2AWglqm8zk
— Ligue 1 Español (@Ligue1_ESP) December 28, 2024
Ռոնալդուն այս շաբաթ դարձել է բազմաթիվ վերնագրերի հերոս։ Globe Soccer Awards-ի ժամանակ նա հայտարարել էր, որ «Ոսկե գնդակը» պետք է նվաճեր Վինիսիուս Ժունիորը, իսկ նրա մեկնաբանությունները ֆրանսիական և սաուդյան ֆուտբոլի համեմատության վերաբերյալ մեծ աղմուկ էին առաջացրել։
