Դոնեցկի «Շախտյորի» ու Խորվաթիայի հավաքականի նախկին ավագ Դարիո Սռնան պատմել է այն մասին, թե ինչն էր ստիպել իրեն հրաժարվել ուկրաինական ակումբից տեղափոխվել կատալոնական «Բարսելոնա»։
«Սրտով եմ որոշում կայացրել։ Չէի կարող լքել «Շախտյորը»։ Պատերազմ էր։ Չէի ուզում՝ մարդիկ մտածեն, թե հեռանում եմ թիմից, որովհետև Դոնեցկում չենք։ Զգում էի, որ դա կարևոր պահ է մեր կյանքում, «Շախտյորի» ու Դոնբասի կյանքում։ Գիտեմ՝ որքան էին ինձ սիրում ու հարգում Դոնեցկում և որքան էի սիրում ես։ Ուղղակի չէի կարող ինձ թույլ տալ նեղացնել կամ հիասթափեցնել մարդկանց։
Չեմ զղջում, որ չեմ տեղափոխվել «Բարսելոնա»։ Մնացի «Շախտյորում», որովհետև սիրտս նման որոշում կայացրեց, ահա և վերջ»,-խորվաթ ֆուտբոլիստի խոսքերն է փոխանցում դոնեցկյան ակումբի պաշտոնական կայքը։
Դարիոն «Շախտյորի» կազմում հանդես է եկել 15 տարի՝ 2003-2018 թվականներին։ Կարիերայի վերջին տարին անցկացրել է «Կալյարիում», ինչից հետո վերադարձել է «Շախտյոր»՝ մարզչական աշխատանքի։
