«Լիվերպուլը», «Արսենալը» և այլ թոփ ակումբներ հետաքրքրված են «Այնտրախտի» կիսապաշտպան Հուգո Լարսոնի ծառայություններով։
Այդ մասին հայտնում է TeamTalk-ը։ Ակումբները պատրաստ են նրա տրանսֆերը ձևակերպել արդեն առաջիկա ձմռանը։
20-ամյա ֆուտբոլիստի տրանսֆերային արժեքը գնահատվում է 28 մլն եվրո (Transfermarkt): Նա Շվեդիայի հավաքականի կազմում անցկացրել է 8 հանդիպում։
Շվեդ կենտրոնական կիսապաշտպանն այս մրցաշրջանում անցկացրել է 16 հանդիպում ու դարձել 3 գոլի ու մեկ գոլային փոխանցման հեղինակ։
Նրա պայմանագիրը ներկայիս ակումբի հետ նախատեսված է մինչև 2029 թվականը։
