Այսօր ավարտվեց Չինաստանի ֆուտբոլի առաջնությունը։ «Շանհայ Պորտը» դարձել է Չինաստանի չեմպիոն՝ վաստակելով 78 միավոր։
Երկրորդ տեղը զբաղեցրել է նույն քաղաքի մյուս ներկայացուցիչը՝ «Շանհայ Շենհուան», որը մարզում է Լեոնիդ Սլուցկին։ Լավագույն եռյակը 30 տուրից հետո 59 միավորով եզրափակեց «Չենդուն»։
«Շանհայ Պորտը» (նախկինում՝ «Շանհայ ՍԻՊԳ») երրորդ անգամ դարձավ առաջնության չեմպիոն։ Թիմի կազմում հանդես են գալիս բրազիլացիներ Օսկարն ու Գուստավը, չինական ֆուտբոլի, կարելի է ասել՝ արդեն լեգենդ Վու Լեյը։ Նշենք, որ Չիանստանի առաջնության ամենատիտղոսակիր ակումբը «Գուանչժոու Էվերգրանդն» է, որն 8 անգամ դարձել է չեմպիոն, սակայն այժմ հանդես է գալիս երկրորդ լիգայում։
Վարազդատ Հարոյանի թիմը` «Վեսթ Քոսթը» զբաղեցրեց առաջնությունում 10-րդ տեղը՝ վաստակելով 32 միավոր։ Հայ ֆուտբոլիստը 27 հանդիպում է անցկացրել այս մրցաշրջանում (առաջնությունում 30 տուր է):
«Շանհայ Պորտի» հարձակվող Վու Լեյը, ով ժամանակին հանդես էր եկել «Էսպանյոլում», 30 խաղում 34 գոլի հեղինակ դարձավ և ճանաչվեց առանության ամենաարդյունավետ ֆուտբոլիստը. համեմատության համար նշենք, որ երկրարդ տեղը զբաղեցնող բրազիլացի Լեոնարդոն 21 գոլ է խփել։ Վուն նաև 10 գոլային փոխանցում է կատարել։
