Հույն թենիսիստ, աշխարհի 5-րդ համար Ստեֆանոս Ցիցիպասը կիսվել է Մարկ Ֆիլիպուսիսի հետ աշխատելու մասին իր կարծիքով, ինչպես նաև խոսել է իր հոր՝ իր անձնական մարզիչի արձակուրդի մասին։
«Ժամանակն է նոր բաներ ուսումնասիրել: Եվ ես բաց եմ և ուզում եմ որքան հնարավոր է շատ բան սովորել՝ կարիերաս առավելագույնի հասցնելու համար, քանի որ երբեմն ինձ լճացած էի զգում:
Մարկը իմ հայրը չէ, բայց իր անձնական կարիերայի ընթացքում շատ պահեր է անցել, որոնք կարող է ավելի լավ սահմանել և ֆիքսել որոշակի ձևով: Նա անհավանական մարդ է, նա ինձ շատ է օգնել ու հիանալի համալրում է մեր թիմին:
Հիմա հայրս արձակուրդում է։ Նա 12 տարեկանից հանգստյան օր չի ունեցել: Կարծում եմ, որ նրա համար շատ օգտակար է կորտից ընդմիջելն ու կրկին հանգիստ զգալը:
Ես սիրում եմ նրան և ցանկանում եմ, որ նա լինի այս ճանապարհորդության մի մասը, որը մենք միասին կառուցել ենք, և նա ոչ մի տեղ չի գնա:»,- Ցիցիպասի խոսքերն է մեջբերում TennisUpToDate-ը։
Ավելի վաղ հայտնի էր դարձել, որ ավստրալացի նախկին թենիսիստ, «Մեծ սաղավարտի» երկու մրցաշարերի եզրափակչի մասնակից Մարկ Ֆիլիպուսիսը որպես մարզիչ վերադարձել է Ցիցիպասի թիմ։ Մարզիկը երկու ամիս առաջ խզել էր համագործակցությունը ավստրալացու հետ, սակայն որոշվել էր վերսկսել համատեղ աշխատանքը։ Հաղորդվում է, որ Ֆիլիպուսիսը պայմանագիր է ստորագրել մինչև 2023 թվականի վերջը, իսկ Ապոստոլոս Ցիցիպասը կշարունակի ուղեկցել որդուն, բայց ավելի քիչ մրցաշարերում:
