«Ալ-Նասրը» հայտարարել է «Մանչեսթեր Յունայթեդի» պաշտպան Ալեքս Տելեսի հետ պայմանագիր կնքելու մասին։
30-ամյա բրազիլացու պայմանագրի ժամկետը չի հաղորդվում։ Ավելի վաղ լրագրող Ֆաբրիցիո Ռոմանոն հայտնել էր, որ «կարմիր սատանաները» խաղացողի համար կստանան 4 միլիոն ֆունտ՝ գումարած բոնուսներ։ Ֆուտբոլիստի աշխատավարձը կկազմի 7 միլիոն եվրո։
Տելեսը միացել է «Մանչեսթեր Յունայթեդին» 2020 թվականին։ Անցած մրցաշրջանը պաշտպանը վարձավճարով անցկացրել է «Սևիլիայում»: Նա անցկացրել է 38 հանդիպում և կատարել 3 արդյունավետ փոխանցում։
