Անգլիական «Մանչեսթեր Յունայթեդի» մարզական տնօրեն Ջոն Մերթոն մեկնաբանել է ակումբի 25-ամյա սան Մարկուս Ռեշֆորդի հետ մինչև 2028 թվականի հունիսի 30-ը գործող նոր պայմանագրի ստորագրումը։
«18 տարի առաջ մեր ակադեմիային միանալուց ի վեր, Մարկուսը խորհրդանշել է այն, ինչ անհրաժեշտ է «Մանչեսթեր Յունայթեդի» խաղացող լինելու համար:
Նա փայլուն տաղանդ է, ինչպես նաև խոնարհ, նվիրված և նպատակասլաց: Նա անցկացնում է իր լավագույն ֆուտբոլային տարիները։ Մենք գիտենք, որ նրանից կարող ենք շատ ավելին սպասել: Մենք տեսնում ենք այն ցանկությունը, որով Մարկուսը ցանկանում է հասնել հաջողության ամենաբարձր մակարդակին այստեղ՝ «Մանչեսթեր Յունայթեդում»:
Էրիկ Տեն Հագի և նրա մարզիչների հետ աշխատելը կատարյալ միջավայր է Մարկուսին ավելի զարգացնելու համար՝ որպես աշխարհի լավագույն հարձակվողական խաղացողներից մեկը»,- Ջոն Մերթոյի խոսքերն է մեջբերում ակումբի պաշտոնական կայքը:
