«Ալ-Հիլալի» կիսապաշտպան Ռուբեն Նևեշը բացատրել է, թե ինչու է որոշել տեղափոխվել սաուդյան ակումբ։
«Ես ընտրեցի Սաուդյան Արաբիան, որպեսզի իմ ընտանիքին տամ այն կյանքը, որը ես միշտ ցանկացել եմ տալ նրանց: Սա իմ կարիերայի ամենամեծ գավաթն է»,- Նևեշի խոսքն է մեջբերել լրագրող Ալֆրեդո Պեդուլլան։
«Ալ-Հիլալը» հունիսի 23-ին հայտարարել էր «Վուլվերհեմփթոնի» կիսապաշտպան Նևեշի հետ պայմանագիր կնքելու մասին: 26-ամյա պորտուգալացին երեք տարվա պայմանագիր է կնքել։
2022/23 մրցաշրջանում նա անցկացրել է 41 հանդիպում «Գայլերի» կազմում՝ դառնալով 6 գոլի և 1 գոլային փոխանցման հեղինակ։
