Հայտնի են դարձել Հաքիմ Զիեշին Ալ-Նասրի կողմից առաջարկված պայմանագրի մանրամասները

Սաուդյան Արաբիայի «Ալ-Նասր» ակումբը հետաքրքրված է «Չելսիի» խաղացող Հաքիմ Զիեշի տրանսֆերով և պատրաստ է մարոկկացուն առաջարկել 12-13 միլիոն եվրո։ Այս մասին հայտնում է Footmercato-ն:

Հիշեցնենք, որ ձմռանը Զիեշը կարող էր տեղափոխվել ՊՍԺ, սակայն կողմերը չկարողացան պայմանավորվել։ «Չելսիում» անշուք մրցաշրջանից հետո, բայց Մարոկկոյի կազմում Աշխարհի առաջնությունում լավ ելույթից հետո, 30-ամյա կիսապաշտպանը դրական է վերաբերվում ակումբը փոխելուն։

Ինչպես հայտնում է պարբերականը՝  «Ալ-նասրը», որի կազմում հանդես է գալիս Կրիշտիանու Ռոնալդուն, Զիեշին առաջարկել է Լոնդոնում գործող աշխատավարձի կրկնակին:

Զիեշը Լոնդոնում է 2020-ից։