«Արսենալը» վստահ է, որ այս ամառ ձեռք կբերի Կայ Հավերցին և Դեկլան Ռայսին:
Ինչպես հայտնում է Sky Sport Deutschland-ի լրագրող Ֆլորիան Պլետենբերգը, այս ֆուտբոլիստների տրանսֆերի նկատմամբ «Արսենալի» վստահությունը շատ մեծ է։
«Արսենալը» չի կասկածում, որ ձեռք կբերի Հավերցին, չնայած «Չելսին» մերժել է նրա համար առաջին առաջարկը: «Արսենալի» գլխավոր մարզիչ Միկել Արտետան պնդում է, որ ակումբը ձեռք բերի Կային։
Երկու խաղացողների հետ էլ բանակցություններն առաջադեմ փուլում են։
«Բավարիան», որը նույնպես հետաքրքրված է Հավերցով, դեռ առաջարկներ չի արել նրա համար: Տրանսֆերների հետ կապված մյունխենցիների ղեկավարության հաջորդ հանդիպումը նախատեսված է հաջորդ շաբաթ։
Հաղորդվում էր, որ «Արսենալը» Ռայսի համար ավելի քան 100 միլիոն ֆունտ է առաջարկելու:
