«Նյուքասլը» դիտարկում է «Մանչեսթեր Յունայթեդի» կիսապաշտպան Սքոթ ՄաքԹոմինեյին ձեռք բերելու տարբերակը, հայտնում է Ֆաբրիցիո Ռոմանոն:
Աղբյուրի համաձայն, 26-ամյա ֆուտբոլիստը շարունակում է մնալ «Նյուքասլի» ուշադրության կենտրոնում։ Նրան բարձր է գնահատում է գլխավոր մարզիչ Էդի Հաուն, որը ցանկանում էր հունվարին թիմ հրավիրել խաղացողին: «Մանչեսթեր Յունայթեդը» դեռևս որոշում չի կայացրել կիսապաշտպանի վերաբերյալ, դա կախված կլինի Էրիկ տեն Հագի ծրագրերից։
ՄաքԹոմինեյը «Մանչեսթեր Յունայթեդում» հանդես է գալիս 2017 թվականից։ Նրա պայմանագիրն ակումբի հետ նախատեսված է մինչև 2025 թվականի հունիսը: Transfermarkt-ը ֆուտբոլիստի արժեքը գնահատում է 25 միլիոն եվրո:
2022/23 թթ․ մրցաշրջանում ՄաքԹոմինեյը «կարմիր սատանաների» կազմում անցկացրել է 38 հանդիպում բոլոր մրցաշարերում՝ դառնալով 3 գոլի և 1 գոլային փոխանցման հեղինակ։