Մարտի 21-ից 27-ը Լեհաստանի Շեդլեց քաղաքում կայացել է XPC վարկածով Եվրոպայի առաջնությանը, որին մասնակցել է նաև Հայաստանի պաուերլիֆտինգի հավաքական թիմը` ֆեդերացիայի նախագահ Գագիկ Սարոյանի գլխավորությամբ։
Մեր մարզիկները ունեցան փայլուն մրցելույթներ և բարձրացրին Հայաստանի դրոշը և հնչեցրին ՀՀ պետական օրհներգը։
Մասնավորապես`
Գևորգ Ալեքսանյանը` Ջրառատից, 100 կգ քաշային կարգ, մեծահասակների տարիքային խումբ, եռամարտ վարժությունում երկրորդ տեղ, բացարձակ հաշվարկում երրորդ տեղ,
Մակար Թամրազյան` Գյումրիից, 67.5 կգ քաշային կարգ, մեծահասակների տարիքային խումբ, եռամարտ վարժությունում առաջին տեղ` Եվրոպայի ռեկորդով։
Արա Խաչատրյան` Գյումրիից, 82.5 կգ քաշային կարգ, մեծահասակների տարիքային խումբ, եռամարտ վարժությունում առաջին տեղ, ինչպես նաև բացարձակ հաղթող։
Գառնիկ Աբրահամյան` Սևան, 90 կգ քաշային կարգ, մեծահասակների տարիքային խումբ, ձգում վարժությունում առաջին տեղ,
Արտյոմ Սոլոյան` Մեծավան, 90կգ քաշային կարգ, մեծահասակների տարիքային խումբ, պառկած սեղմում վարժությունում առաջին տեղ, բացարձակ հաշվարկում երկրորդ տեղ, Pro Card 2024 հաղթող,
Արմեն Ղազումյան` Դիլիջան, 60 կգ քաշային կարգ, պատանիների տարիքային խումբ, ձգում վարժությունում առաջին տեղ, պատանիների Եվրոպայի ռեկորդով,
Էդգար Բադալյան` Հրազդան, 67.5 կգ քաշային կարգ, մեծահասակների տարիքային խումբ, եռամարտ վարժությունում առաջին տեղ,
Հայկ Աֆյան` Չարենցավան, 110 կգ քաշային կարգ, մեծահասակների տարիքային խումբ, եռամարտ վարժությունում առաջին տեղ,
Գոռ Հովհաննիսյան՝ Աբովյան, 100 կգ քաշային կարգ, մեծահասակների տարիքային խումբ, կքանիստ վարժությունում երկրորդ տեղ, ձգում վարժությունում առաջին տեղ,
Կարեն Պետրոսյան` Գյումրի, 110 կգ քաշային կարգ, մեծահասակների տարիքային խումբ, ձգում վարժությունում առաջին տեղ,
Ժաննա Շահնազարյան` Էջմիածին, 82.5 կգ քաշային կարգ, մեծահասակների տարիքային խումբ, ձգում վարժությունում առաջին տեղ,
Սուրեն Թադևոսյան` Կարբի, ցավոք սրտի Սուրենը վնասվածքի պատճառով չկարողացավ շարունակել մրցելույթը։
Թիմային հաշվարկում մեր հավաքականը զբաղեցրել է պատվավոր երկրորդ հորիզոնականը` զիջելով միայն Լեհաստանի հավաքականին։
