Ֆուտբոլի միջազգային ֆեդերացիայի կարգապահական կոմիտեն վճիռ է կայացրել ԱԱ-2022-ի խմբային փուլի Ուրուգվայի և Գանայի հավաքականների հանդիպման (0:2) արդյունքների վերաբերյալ, հայտնում է ՖԻՖԱ-ի կայքը։
Ուրուգվայի հավաքականի չորս խաղացողներ որակազրկվել են․ Խոսե Մարիա Խիմենեսն ու Ֆերնանդո Մուսլերան որակազրկվել են չորսական խաղով, Էդինսոն Կավանին և Դիեգո Գոդինը որակազրկվել են մեկական խաղով։
Նաև բոլոր ֆուտբոլիստները պարտավոր են կատարել պարտադիր հասարակական աշխատանք և տուգանվել են 15000-ից մինչև 20000 շվեյցարական ֆրանկով։
Հանդիպման ավարտից հետո հարավամերիկյան թիմի ֆուտբոլիստները վազեցին մրցավարի մոտ և սկսեցին դժգոհություն հայտնել11 մետրանոց չնշանակելու կապակցությամբ։ Նրանք նաև վիրավորել են ՖԻՖԱ-ի պաշտոնյաներին, իսկ Կավանին միտումնավոր գետնին է գցել VAR-ի մոնիտորը:
