«Բենֆիկայի» գլխավոր մարզիչ Ռոջեր Շմիդտը խոսել է թիմի կիսապաշտպան Էնցո Ֆերնանդեսի՝ «Չելսի» ձախողված տրանսֆերի մասին։
«Ուրախ եմ, որ այդ հարցը փակված է, և հիմա նորից կարող ենք կենտրոնանալ ֆուտբոլի վրա։ Էնցոյի համար շատ կարևոր էր վերադառնալը, որ կարողանար իր թիմի հետ խաղալ։ Հավանական առաջարկների մասին շշուկները ֆուտբոլի մի մասն են։
Կարևորն այն է, թե խաղացողն ու ակումբն ինչպես են հաղթահարում իրավիճակը։ Ամեն ինչ շատ բաց ու պարզ էր։ Ես երբեք ոչ մի կասկած չեմ ունեցել նրա բնավորության, անհատականության ու գործին վերաբերմունքի հետ կապված։ Նա արտասովոր խաղացող է, որը սիրում է խաղալ ֆուտբոլ և «Բենֆիկայի» համար»,- Շմիդտի խոսքերն է փոխանցում BBC-ն։
