Մյունխենում մեկնարկել է մարմնամարզության Եվրոպայի առաջնությունը, որտեղ հիանալի են մեկնարկել Հայաստանի ներկայացուցիչները։
Արթուր Դավթյանը առաջին տեղով դուրս է եկել հենացատկի եզրափակիչ՝ հավաքելով 15,166 միավոր։ Դավթյանը հաղթահարել է նաև նժույգթափեր վարժության որակավորման փուլը։
Նժույգափերի որակավորման փուլը հաղթահարել և երրորդ տեղով եզրափակիչ է դուրս եկել Հայաստանի հավաքականի փորձառու անդամ Հարություն Մերդինյանը։
Օղակներ վարժությունում էլ եզրափակիչ են դուրս եկել Վահագն Դավթյանն ու Արթուր Ավետիսյանը։
Հիշեցնենք՝ Հայաստանի հավաքականը Գերմանիա է մեկնել հետևյալ կազմով:
Հայաստանի մեծահասակների հավաքականի կազմը․
Արթուր Դավթյան
Վահագն Դավթյան
Հարություն Մերդինյան
Արթուր Ավետիսյան
Գագիկ Խաչիկյան
Մարզիչներ՝ Հայկ Նազարյան, Աշոտ Գասպարյան
Երիտասարդական հավաքականի կազմը․
Մամիկոն Խաչատրյան
Համլետ Մանուկյանը
Էրիկ Բաղդասարյանը
Մարզիչ՝ Արտակ Այդինյան
Նշենք, որ Հայաստանի հավաքականը ԵԱ-ին նախապատրաստվում էր Վրաստանի մայրաքաղաք Թբիլիսում: