Հունաստանի Հերակլիոն քաղաքում ավարտված ծանրամարտի երիտասարդական ԱԱ-ում Հայաստանի երիտասարդական հավաքականը նվաճեց 5 մեդալ:
Վաստակավոր մարզիչ Մելիք Ղուկասյանի գլխավորությամբ ծանրահարթակ ելան մեր երկրի 9 պատվիրակներ, որից մեկը աղջիկ:
Ութ տղաներից հինգը երկամարտի գումարով դարձան մրցանակակիր: Ոսկե մեդալի արժանացան Գառնիկ Չալոյանը (55կգ) և Գարիկ Կարապետյանը (96 կգ): Պատվանդանի երկրորդ աստիճանին կանգնեցին արծաթե մեդալակիրներ Սուրեն Գրիգորյանը (89 կգ) և Պետրոս Պետրոսյանը (102 կգ): Գոռ Սահակյանը (67կգ) բավարարվեց բրոնզե մեդալով: