Ֆրանսուհի Կրիստինա Մլադենովիչն ու հունգարուհի Թիմյա Բաբոշը դարձել են Ավստրալիայի Բաց առաջնության կանանց զուգախաղի հաղթող: Եզրափակիչ խաղում նրանք ջախջախիչ հաղթանակ են տարել չեխ Բարբորա Ստրիցովային ու Չինաստանի ներկայացուցիչ Շուվեյ Սեին 6:2, 6:1 հաշվով: Հանդիպումը 1 ժամ 12 րոպե է տևել:
Մլադենովիչն ու Բաբոշը երկրորդ անգամ են հաղթել Australian Open-ում: Ավելի վաղ նրանք Մելբուրնում տիտղոսի էին արժանացել 2018 թվականին:
Կրիստինան դարձել է Grand Slam-ի մրցաշարերի քառակի հաղթող զուգախաղում, իսկ Բաբոշը` եռակի: