«Մանչեսթեր Յունայթեդ» նորեկ Կրիշտիանու Ռոնալդուն հրաժեշտի գրառում է կատարել.
«Այսօր ևս հեռանում եմ մի աներևակայելի ակումբից, որն «ամենամեծն» է Իտալիայում և լավագույններից է Եվրոպայում: Ես իմ սիրտն ու հոգին տվել եմ «Յուվենտուսի» համար: Միշտ կսիրեմ Թուրինը: «Յուվեն» հարգեց ինձ, իսկ ես փորձեցի պատասխանել՝ պայքարելով նրա համար յուրաքանչյուր խաղում, ամեն մրցաշրջանում, ամեն մրցումում: Ի վերջո, կարող ենք հետ նայել և հասկանալ, որ հասել ենք մեծ ձեռքբերումների: Իհարկե, ոչ այն ամենին, ինչին ցանկանում էինք, բայց, այնուամենայնիվ, մենք միասին գրել ենք բավականին գեղեցիկ պատմություն:
«Յուվենտուսը» մեծ սիրո պատմություն է: Սպիտակը գրկում է սևին:
Ես միշտ կլինեմ Ձեզնից մեկը: Հիմա դու իմ պատմության մի մասն ես, այնպես, ինչպես ես եմ քո պատմության մի մասը: Իտալիա, «Յուվե», Թուրին…դուք միշտ իմ սրտում եք»,-գրել է Ռոնալդուն:
Հիշեցնենք, որ պորտուգալացին 12 տարի անց վերադարձել է ԱՊԼ ու կրկին հանդես կգա «Մանչեսթեր Յունայթեդի» կազմում:
