Մադրիդի «Ռեալի» նախագահ Ֆլորենտինո Պերեսը հաստատել է, որ մադրիդյան ակումբը Մբապեի տրանսֆերը ձեռք բերելու առաջարկով դիմել է ՊՍԺ-ին.
«ՊՍԺ-ն արդեն պատասխանել է, և այդ պատասխանը կոպիտ էր»,-թվիթերում այս մասին գրել է Խոսե Մանուել Մորենոն՝ մեջբերելով Պերեսի խոսքերը:
ՊՍԺ-ի սպորտային տնօրեն Լեոնարդոն հայտնել է, որ Մբապեն ցանկանում է տեղափոխվել Մադրիդ, սակայն ֆրանսիացին կհեռանա միայն եթե «Ռեալը» բավարարի ակումբի պայմանները:
Հիշեցնենք, որ «Ռեալի» առաջին պաշտոնական առաջարկը «կազմել» է 160 մլն եվրո, սակայն հաղորդվում է, որ փարիզյան ակումբը սպասում է 200 մլն-անոց առաջարկի: Մբապեն, իր հերթին, մերժել է ՊՍԺ-ի՝ պայմանագիրը երկարաձգելու բոլոր առաջարկները: