Մոսկվայի «Դինամոյի» հայազգի կիսապաշտպան Արսեն Զախարյանը մեկնաբանել է Ռուսաստանի հավաքականից հրավեր ստանալը՝ ԱԱ-2022-ի ընտրական փուլի սեպտեմբերյան խաղերին նախապատրաստվելու համար․
«Իհարկե, երջանիկ էի իմանալ, որ հայտնվել եմ այն խաղացողների թվում, ովքեր Ռուսաստանի հավաքականի նոր մարզչական շտաբի կողմից հրավեր են ստացել։ Առավել ևս, որ նախորդ անգամ ինձ մոտ չստացվեց լիարժեք զգալ ազգային թիմի մթնոլորտը։ Կաշխատեմ ու կապացուցեմ, որ ինձ իզուր չեն վստահում։
Հրավերի մասին իմացել եմ այն ժամանակ, երբ ակումբից հաղորդագրություն ստացա։ Իհարկե, հույս ունեի, որ նորից կհայտնվեմ գլխավոր թիմում, բայց փորձում էի այդ մասին չմտածել ու կենտրոնանալ միայն իմ խաղի և թիմի արդյունքների վրա։ Փորձում էի ներդնել ողջ ուժերս «Դինամոյի» խաղերին։ Հիմա մեզ դեռ առաջնության երկու խաղ է սպասվում, ու ես կենտրոնացած եմ այդ խաղերի վրա։ Հավաքականի մասին կմտածեմ ավելի ուշ։ Հիմա մտքերս Եկատերինբուրգում կայանալիք խաղի հետ են»,- ասել է Զախարյանը։
18-ամյա կիսապաշտպանն արդեն հրավիրվել էր Ռուսաստանի հավաքական՝ Եվրո-2020-ին նախապատրաստվելու համար, սակայն մարզումային հավաքի ժամանակ հիվանդացավ անգինայով։
Ռուսաստանի ընտրանին՝ Վալերի Կարպինի գլխավորությամբ, սեպտեմբերի 1-ին կխաղան Խորվաթիայի հետ, սեպտեմբերի 4-ին՝ Կիպրոսի, իսկ սեպտեմբերի 7-ին Մալթայի։