Դարպասապահ Պաու Լոպեսը «Ռոմայից» կտեղափոխվի «Մարսել», իսկ հռոմեական թիմի կազմը կհամալրի դարպասապահ Ռուի Պատրիսիուն, որն այժմ հանդես է գալիս «Վուլվերհեմփթոնի» կազմում։
Sky Sport Italia-ն հայտնում է, որ այսօր 26-ամյա դարպասապահը բուժզննում կանցնի ֆրանսիական ակումբի կազմում, ինչից հետո պայմանագիր կկնքի։ Իսպանացին վարձակալության հիմունքներով կտեղափոխվի «Մարսել», բայց ակումբը կպարտավորվի գնել նրան 12 մլն եվրոյի դիմաց, եթե նա հաջորդ մրցաշրջանում 20 խաղի մասնակցի։
Բանակցությունները հեշտ չեն ընթացել, քանի որ Լոպեսի մոտ ընտանեկան խնդիրներ են ի հայտ եկել, ինչի պատճառով նա կասկածել է Ֆրանսիա տեղափոխության նպատակահարմարությանը։ «Մարսելի» գլխավոր մարզիչ Խորխե Սամպաոլին դարպասապահին համոզել տեղափոխվել։
«Ռոման» էլ պայմանագիր կկնքի «Վուլվերհեմփթոնի» դարպասապահ Ռուի Պատրիսիուսի հետ։ Դարպասապահին թիմում է ցանկանում տեսնել գլխավոր մարզիչ Ժոզե Մոուրինյուն։ Պատրիսիուն մշտական հիմունքներով կտեղափոխվի «Ռոմա», նրա համար 10+3 մլն եվրո կվճարի։ Ակումբը վստահ է, որ գործարքը հնարավոր կլինի այսօր ավարտել։
