Իտալիայի Սերիա Ա-ի 2026/27 թթ. մրցաշրջանի 9-րդ տուրում «Ռոման» «Օլիմպիկոյում» գոլառատ պայքարում կամային առավելության հասավ «Կալյարիի» նկատմամբ՝ 4-2 հաշվով։
Հանդիպման հաշիվը 10-րդ րոպեին 11-մետրանոց հարվածով բացեց հյուրերի հարձակվող Մբալա Նզոլան։ Տանտերերը շատ արագ արձագանքեցին. 15-րդ րոպեին Լուլլին հավասարեցրեց հաշիվը, իսկ 22-րդ րոպեին Պիզիլին առաջ մղեց հռոմեացիներին։ 82-րդ րոպեին Դանիել Մալդինին վերականգնեց հավասարությունը (2-2)։
Սակայն հանդիպման վերջնամասում «Ռոման» կարողացավ ևս երկու անգամ աչքի ընկնել. 85-րդ րոպեին գոլի հեղինակ դարձավ Ռոդրիգո Մորան, իսկ 87-րդ րոպեին Դոնեիլ Մալենը ձևակերպեց վերջնական հաշիվը։
Գոլերը՝ ԱՅՍՏԵՂ
Զուգահեռաբար ընթացող խաղում «Կոմոն» հյուրընկալվելիս կամային բարդ հաղթանակ տարավ «Տորինոյի» նկատմամբ (3-1)։ Հանդիպման 25-րդ րոպեին Ադամսն առաջ մղեց թուրինյան ակումբին։
Հյուրերին հաջողվեց բեկել հանդիպման ընթացքը միայն խաղավարտին մոտ. 82-րդ րոպեին Խակուբո Ռամոնը հավասարեցրեց հաշիվը, 88-րդ րոպեին Նիկո Պասը խփեց հյուրերի երկրորդ գնդակը, իսկ ավելացված ժամանակում՝ 90+2-րդ րոպեին, Մարտին Բատուրինան հեղինակեց «Կոմոյի» երրորդ գնդակը՝ դնելով հանդիպման վերջակետը։
Այս հանդիպումներից հետո «Ռոման» վաստակած 21 միավորով զբաղեցնում է մրցաշարային աղյուսակի 3-րդ հորիզոնականը։ «Կոմոն» իր ակտիվում ունի 20 միավոր և գտնվում է 4-րդ տեղում։
Գոլերը՝ ԱՅՍՏԵՂ
Սերիա Ա-ի մրցաշարային աղյուսակը՝ ստորև․
