Հայաստանի երիտասարդական հավաքականի ավագ մարզիչ Կարեն Աղամալյանը Իտալիայում կայացած Եվրոպայի Մ22 տարեկանների առաջնությունից հետո գրառում է կատարել ֆեյսբուքի իր էջում՝ ամփոփելով մրցաշարը մեր ընտրանուն համար.
«Իտալիա: Ավարտվեց Եվրոպայի առաջնությունը: Մենք արժանիորեն հանդես եկանք: Եվրոպայի լավագույն բռնցքամարտիկ ճանաչվեց Արթուր Բազեյանը, արծաթե մեդալակիր դարձավ Համբարձում Հակոբյանը: Բրավո իմ տղաներին:
Շնորհակալ եմ բոլոր նրանց, ովքեր անհանգստանում էին մեզ համար ու երկրպագում էին մեզ: Շնորհակալություն եմ հայտնում նաև բռնցքամարտի ֆեդերացիայի նախագահ Հովհաննես Հովսեփյանին»,- գրել է Աղամալյանը ու տեղադրել այս լուսանկարները:
56կգ քաշային Արթուր Բազեյանը ճանաչվել է Իտալիայում կայացած բռնցքամարտի մինչև 22 տարեկանների Եվրոպայի առաջնության լավագույն բռնցքամարտիկ։
Հայ մարզիկը անցկացրել է 4 մենամարտ և բոլորում համոզիչ առավելությամբ հաղթել մրցակիցներին։ Եզրափակիչ մենամարտում Վլադիմիր Ենգիբարյանի անվան մարզադպրոցի սանը իռլանդացի մրցակցին հաղթել է նոկաուտով։