«Միլանի» գլխավոր մարզիչ Ստեֆանո Պիոլին մեկնաբանել է ակումբի վերջին արդյունքները։
«Մենք մրցաշրջանի առաջին կեսը գերազանց անցկացրեցինք։ Հիմա արդյունքները մի փոքր ավելի վատ են, բայց թիմը միշտ ճիշտ մոտեցում է ցուցաբերել, աճելու ցանկություն։ Մենք պիտի մեր ուժը ցույց տանք։ Պիտի լավագույն որակները ցույց տանք՝ թիմային ոգի ու մեծ ջանքեր ներդնենք։ Եթե չկարողանանք սրանք անել, դժվար կլինի որոշակի արդյունքների հասնելը։
Ակումբն ու սեփականատերերն ինձ միշտ աջակցել են։ Ղեկավարությունում կան մարդիկ, որոնք գիտեն՝ ինչ է ֆուտբոլը։ Նրանք հասկանում են, որ մրցաշրջանի ընթացքում դժվար պահեր են լինում։ Ես մեծ ակումբում եմ աշխատում, դրա համար էլ սպասելիքները մեծ են»,- Պիոլիի խոսքերն է փոխանցում Football Italia-ն։