«Բարսելոնայի» գլխավոր մարզիչ Ռոնալդ Կումանը դժգոհել է այս մրցաշրջանում հանդիպումների չափազանց ծանրաբեռնված գրաֆիկից: Մինչ օրս կատալոնական թիմը բոլոր մրցաշարերում անցկացրել է 48 հանդիպում:
«Մենք շատ հանդիպումներ ենք անցկացնում լրացուցիչ ժամանակով, հատկապես գավաթի խաղարկությունում: Մենք ծախսում ենք հսկայական էներգիա և պայքարում տիտղոսի համար, և հոգնած ենք ավելի շատ մտավոր, քան ֆիզիկապես:
Ես հասկանում եմ, որ հեռուստատեսության եկամուտները կարևոր են, մենք պետք է դա ընդունենք: Բայց մեծ ակումբների օրացույցը պետք է քննարկվի»,- մեջբերում է Կումանին Goal-ը: