Մունդիալ-2022 թ-ի ընտրական փուլի մեկնարկային տուրի շրջանակում Հայաստանի հավաքականը հյուրընկալվել էր Լիխտենշտեյնին:
Ամբողջ հանդիպման ընթացքում տանտերերը ոչ մի հարված չկատարեցին Յուրչենկոյի դարպասի ուղղությամբ, իսկ մեր ընտրանու հարվածներն անթիվ-անհամար էին: Չնայած տարածքային ու խաղային բացահայտ առավելությանը, մեր ընտրանին միայն 83-րդ րոպեին կարողացավ առաջ անցնել հաշվի մեջ: Բարսեղյանի փոխանցումից հետո սեփական դարպասը պատահմամբ գրավեց փոխարինման մտած Ֆրոմելտը: Մեր հավաքականը վերջում կարող էր մեծացնել առավելությունը, սակայն Կարապետյանը հերթական պահը կորցրեց:
Հայաստանի հավաքականը Մունդիալների ընտրական փուլերի պատմության մեջ երկրորդ անգամ մեկնարկեց հաղթանակով:
Հայաստանը հաղթեց 1-0 հաշվով ու այժմ Գերմանիայի ու Ռումինայի հետ խմբի առաջատարներից է: