Ովքեր են այն կանայք, որ աշխարհին են տվել այսպիսի ֆուտբոլային աստղեր, որոնք դարձել են բազմաթիվ մարդկանց կուռքերը, ստիպել սիրել այս խաղն ու հետևել նրանց օրինակին։
ArmSport-ը ներկայացնում է համաշխարհային ֆուտբոլային աստղերի մայրերին, որոնք լուռ հետևում են իրենց տղաների հաջողություններին՝ հաճախ մնալով ստվերում։
Մարիա Դոլորես Ավեյրու․ «Յուվենտուսի» հարձակվող Կրիշտիանու Ռոնալդուի մայրը
Պորտուգալացի աստղ Կրիշտիանու Ռոնալդուի մայրիկին կճանաչեն շատերը։ Ռոնալդուն հաճախ է լուսանկարներ հրապարակում նրա հետ, մրցանակաբաշխություններին ներկայանում նաև նրա ուղեկցությամբ։ Վերջերս Դոլորես Ավեյրուն խոստովանել էր, որ հղիության ժամանակ ցանկացել է աբորտ անել, սակայն չի կարողացել։ Իսկ հիմա Կրիշտիանուն հաճախ է կատակում այդ առիթով։
Սելիա Մարիա Կուկսիտինի․ «Բարսելոնայի» հարձակվող Լիոնել Մեսսիի մայրը
Մեսսիի մայրն այնքան էլ հաճախ չի հայտնվում պարբերականների էջերին։ Սակայն նրա դիմանկարը կարելի է տեսնել Մեսսիի ձախ ուսին դաջված։
Յեո Մորիբա․ «Մանչեսթեր Յունայթեդի» կիսապաշտպան Պոլ Պոգբայի մայրը
Պոգբայի մայրը հայտնի է որպես ֆուտբոլիստի սուպերմայրիկ, նրա ոգեշնչման աղբյուր։ Պոգբան մոր ուղեկցությամբ հաճախ է հայտնվում մրցանակաբաշխություններին ու խաղերին։ Հենց մայրն էր, որ 2011-ին, երբ Պոլը հեռացավ ՄՅՈՒ-ից, ասել նրան․ «Դու կգնաս ինչ-որ տեղ, բայց կվերադառնաս, մի՛ անհանգստացիր»։ Ինչպես տեսանք՝ հենց այդպես էլ եղավ։
Պակի Ռամոս․ «Ռեալի» պաշտպան Սերխիո Ռամոսի մայրը
Նշվում է, որ Ռամոսի ու մոր միջև եզակի կապ է կա ու հենց մայրը շատ մեծ ազդեցություն ունի ֆուտբոլիստի՝ «Ռեալում» մնալու հարցում։
Նադինե Գոնսալվեշ․ ՊՍԺ-ի հարձակվող Նեյմարի մայրը
Նեյմարի մայրը վերջերս առավել հայտնի դարձավ սկանդալային պատմության կիզակետում լինելու պատճառով։ Գոնսալվեշը հարաբերություններ էր սկսել 22-ամյա մոդել Տիագո Ռամոսի հետ, որին Նեյմարն ավելի ուշ անվանել էր համասեռամոլ ու քննադատությունների արժանացել ԼԳԲՏ համայնքի կողմից։
Եվ, իհարկե, «Ռոմայի» ու Հայաստանի ազգային հավաքականի կիսապաշտպան Հենրիխ Մխիթարյանի մայրը՝ Մարինա Թաշչյանը, որը երկար տարիներ է՝ ֆուտբոլային գործունեություն է ծավալում։ Եղել է ՀՖՖ Գործկոմի անդամ։
Ստելլա Բաբլոյան
