«Մանչեսթեր Յունայթեդի» գլխավոր մարզիչ Օլե-Գունար Սուլշերը «Վեսթ Բրոմվիչի» հետ ոչ-ոքիից հետո (1-1) ասել է, որ «կարմիր սատանաները» դեռ մնում են չեմպիոնական մրցավազքում։ ՄՅՈՒ-ն «Սիթիից» հետ է մնում 7 միավորով, բայց «քաղաքայինները» մեկ խաղ պակաս են անցկացրել։
«Ասել եմ, որ մեր մասին պետք չէ խոսել չեմպիոնական մրցավազքի առումով։ Բայց «Մանչեսթեր Սիթիին» թույլ չենք տա վերցնել տիտղոսը, շուտով հանդիպելու ենք նրանց հետ։ Մենք այն այդքան շուտ չենք թողնի»,- մարզչի խոսքերն է փոխանցում Daily Star-ը։
ՄՅՈՒ-ն ու «Սիթին» կհանդիպեն մարտի 6-ին։