Վալերի Հովհաննիսյանը նշանակվել է ռուսական «Տամբովի» նոր նախագահ: Այս մասին հաղորդում է «Չեմպիոնատը»:
Հաղորդվում է, որ Հովհաննիսյանը թիմին կներկայացվի Ղրիմում կայանալիք ուսումնամարզական հավաքի ընթացքում: Վալերի Հովհաննիսյանը հրաժարվել է մեկնաբանել իր նշանակման մասին տեղեկությունները:
Վալերի Հովհաննիսյանն «Արարատ-Մոսկվա» ակումբի հիմնադիրն ու նախագահն էր: 2017/2018 մրցաշրջանում ակումբը հաղթեց Պրոֆեսիոնալ ֆուտբոլային լիգան, սակայն հրաժարվեց խաղալ ՖՆԼ-ում:
Նախորդ մրցաշրջանում Վալերի Հովհաննիսյանը աշխատել է Երևանի «Արարատում»՝ որպես գլխավոր մենեջեր:
Հիշեցնենք, որ «Տամբովում» են հանդես գալիս Հայաստանի հավաքականի ֆուտբոլիստներ Ալեքսանդր Կարապետյանն ու Վարազդատ Հարոյանը:
