Ճապոնիայի մայրաքաղաք Տոկիոյում անցկացվել են փրկարարական վարժություններ՝ կապված 32-րդ ամառային Օլիմպիական խաղերի ժամանակ հնարավոր երկրաշարժի հետ: Այս մասին հայտնում է ՀԱՕԿ-ի պաշտոնական կայքէջը:
Գործողությունները տեղի են ունեցել Արիակեում գտնվող մարզական համալիրում, որտեղ անցկացվելու են 32-րդ ամառային Օլիմպիական խաղերի սպորտային մարմնամարզության մրցումները: Փորձարկվել են գործողություններ 7.3 բալ ուժգնության երկրաշարժի դեպքում: Վարժություններին մասնակցել է 100-ից ավելի հրշեջ, փրկարար, ոստիկան ու Ճապոնիայի զինված ուժերի ներկայացուցիչ:
Հիշեցնենք, որ Տոկիո-2020 Օլիմպիական խաղերը կանցկացվեն 2020թ. հուլիսի 24-ից օգոստոսի 9-ը:
