Միլանի «Ինտերի» պաշտպան Դիեգո Գոդինը կարող է տեղափոխվել իտալական մեկ այլ թիմ: Լրագրող Ֆաբրիցիո Ռոման Թվիթերում գրառում է կատարել, ըստ որի «Կալյարին» առաջարկով դիմել է միլանյան թիմին, սակայն կողմերը դեռ համաձայնության չեն եկել:
Հիշեցնենք, որ 34-ամյա պաշտպանի տրանսֆերի հարցում ակտիվություն է դրսևորում նաև «Ռենը»:
Ա սերիայի նախորդ մրցաշրջանում անցկացրած 23 խաղում Գոդինը դարձել է 1-ական գոլի ու գոլային փոխանցման հեղինակ:
Ուրուգվայցու գործող պայմանագիրը սահմանված է մինչև 2022 թ.: