Անգլիայի Սուպերգավաթի խաղարկության շրջանակում «Արսենալը» հանդիպեց «Լիվերպուլին» (1-1):
Հիշեցնենք, որ լոնդոնյան ակումբը նախորդ մրցաշրջանում տիրեց Անգլիայի գավաթին, իսկ Յուրգեն Կլոպի թիմը հաղթեց ԱՊԼ-ն:
Խաղի հաշիվը բացվեց 12-րդ րոպեին, երբ լոնդոնյան ակումբի կազմում գոլի հեղինակ դարձավ Պիեր-Էմերիկ Օբամեյանգը:
Երկրորդ խաղակեսի 73-րդ րոպեին Տակումի Մինամինոն հավասարեցրեց հանդիպման հաշիվը:
Հաղթողը որոշվեց 11-մետրանոց հարվածների միջոցով, որտեղ ավելի դիպուկ գտնվեցին «Արսենալի» ֆուտբոլիստները (5-4):
Հավելենք, որ Անգլիայի Սուպերգավաթի նախորդ հաղթողը «Մանչեսթեր Սիթին» է: