Ղազախստանի առաջնության 5-րդ տուրում «Կայրաթը» սեփական հարկի տակ 3:1 հաշվով առավելության հասավ «Տոբոլի» նկատմամբ: Հայաստանի հավաքականի ֆուտբոլիստներ Կամո Հովհաննիսյանն ու Պետրոս Ավետիսյանն իրենց թիմերի կազմում խաղադաշտ դուրս եկան 2-րդ կեսում: Հայաստանի ազգային հավաքականի մեկ այլ ֆուտբոլիստ՝ պաշտպան Արման Հովհաննիսյանը «Տոբոլի» հայտացուցակում էր սակայն չմասնակցեց խաղին:
Հովհաննիսյանը տանտերի կազմում խաղադաշտ մտավ 46-րդ րոպեին, իսկ 52-րդ րոպեին «Տոբոլի» կազմում խաղադաշտ դուրս եկավ Ավետիսյանը և փոխարինման մտնելուց րոպեներ անց հենց հայ ֆուտբոլիստի հարվածից հետո գնդակը դիպչելով տանտերերի պաշտպանին հայտնվեց դարպասում:
Այս խաղից հետո «Կայրաթը» 15 միավորով գլխավորում է մրցաշարային աղյուսակը: «Տոբոլը» 7 միավորով 4-րդն է:
Жартылай қорғаушы Петрос Аветисян есеп айырмасын қысқартты
Gepostet von FC «Tobol» am Freitag, 21. August 2020