62-ամյա գերմանացի մասնագետ Ռալֆ Ռանգնիկը մեկնաբանել է իտալական «Միլանում» իր հնարավոր աշխատանքի վերաբերյալ շշուկները.
«Իմ ոճը չէ կենտրոնանալ 38-ամյա ֆուտբոլիստի վրա, քանի որ ես նախընտրում եմ չաշխատել պատրաստի ֆուտբոլիստների հետ, այլ զարգացնել տաղանդավոր խաղացողների՝ նրանց արժեքավոր դարձնելով թիմի համար: «Միլանում» ինձ համար իմաստ չէր լինի հույս դնել Իբրահիմովիչի կամ Կյաերի վրա, բայց սա պարզապես իմ տեսակետն է, ոչ թե պարտադիր ճշմարտություն կամ սխալ: Երբ Իբրան ասաց, որ ինձ չի ճանաչում, նա չստեց, քանի որ ես ինքս էլ երբեք չեմ հանդիպել նրա հետ:
Ցանկանում եք իմանալ, թե «Միլանն» ինչո՞ւ էր դիմել ինձ. գուցե, նրանք ցանկանում էին փոխել իրենց զարգացման վեկտորը: Առաջին անգամ նրանց ղեկավարությունն ինձ հետ կապ էր հաստատել հոկտեմբերի վերջին, երբ թիմին 3 միավոր էր բաժանում վտանգավոր գոտուց: Ես երբեք այդ մասին հրապարակային չեմ խոսել: Ցանկանում եմ հստակեցնել, որ ոչ մի փաստաթուղթ, որը կհաստատեր ակումբի հետ համաձայնության գալը, ես այն ժամանակ չեմ ստորագրել:
Իտալիայի առաջնության վերսկսումից հետո «Միլանն», անկասկած, լավագույն թիմերից մեկն է, այդ իսկ պատճառով փոփոխությունները տրամաբանական չէին լինի: Պիոլին արժանի էր իր աշխատանքը պահպանելուն, և ես գնահատում եմ նրան, որպես անհատականում:
Նրանք հիանալի օրինակ ունեն իրենց աչքների առաջ՝ Միլանից 30 կմ հեռավորության վրա. «Ատալանտան» «Միլանի» եկամուտների 1/3-րդն ունի, բայց շարունակում է շրջանցել «Միլանին» աղյուսակում: Սա այն պատճառով, որ նրանք խելամիտ ներդրումներ են կատաում, ունեն Եվրոպայի լավագույն երիտասարդական ակադեմիաներից մեկը, և սա միայն Ջան Պյերո Գասպերինիի արժանիքը չէ. սա թիմային սպորտ է:
Ինձ նաև հիացնում է Անտոնիո Կոնտեի խաղաոճն «Ինտերում». այն շատ ակտիվ է և ագրեսիվ: Ես միշտ մտածել եմ, որ խաղը միշտ պետք է տարբերվի բարձր տեմպի պահպանմամբ, պրեսինգով, նրանով, ինչ ԱՄՆ-ում հիմա անվանում են «Ռալֆբոլ»: Հիմա մեր ակադեմիաներում բոլոր երիտասարդ ֆուտբոլիստները ֆուտբոլի նման տեսլականով են մեծանում»,- Ռանգնիկի խոսքերն է փոխանցում Goal-ը: