Հայաստանի ազգային հավաքականի և «Ուրալի» պաշտպան Վարազդատ Հարոյանը Instagram-ի Storys բաժնում ուշագրավ գարռում է կատարել:
«Արդյոք փոփոխության ժամանա՞կն է»,- հարցադրում է արել ֆուտբոլիստը՝ որևէ այլ բան չմանրամասնելով:
Այսօր ավելի վաղ «Ուրալը» ՌՊԼ-ի 29-րդ տուրի շրջանակում սեփական հարկի տակ ընդունել էր Տուլայի «Արսենալին» և 1-3 հաշվով պարտություն կրել: Հարոյանը մնացել էր պահեստայինների նստարանին:
Նշենք՝ Վարազդատ Հարոյանն «Ուրալի» կազմում վերջին անգամ Ռուսաստանի առաջնության հանդիպման է մասնակցել 2019 թվականի դեկտեմբերին:
Այս տարի՝ փետրվարին, հայ ֆուտբոլիստն «Արարատ-Արմենիայի» հետ ընկերական խաղում մկանային վնասվածք էր ստացել, ինչից հետո այլևս դաշտ դուրս չի եկել եկատերինբուրգյան ակումբի կազմում: Ի սկզբանե հաղորդվում էր, որ Հարոյանը վնասվածքի պատճառով մեկ շաբաթից մի փոքր ավելի բաց կթողնի:
2019-20 մրցաշրջանում Հարոյանը 19 հանդիպման է մասնակցել՝ դառնալով 1 գոլի և 1 գոլային փոխանցման հեղինակ։