🎥 Սելարայանի գոլն ու գոլային փոխանցումը հաղթանակ պարգևեցին Բելգրանոյին

Արգենտինայի առաջնության Կլաուսուրա-2026 մրցաշարի 12-րդ տուրում «Բելգրանոն» արտագնա խաղում 2-0 հաշվով վստահ հաղթանակ տարավ «Ռասինգի» նկատմամբ։

Հյուրերի կազմում հանդիպման հաշիվը 41-րդ րոպեին բացեց Հայաստանի ազգային հավաքականի նախկին կիսապաշտպան և արգենտինական թիմի ավագ Լուկաս Սելարայանը։ Հայ ֆուտբոլիստը հիանալի դրվագ ստեղծեց Լուկաս Պասերինիի հետ արագ խաղարկման արդյունքում և, հայտնվելով հարվածային դիրքում, ձախ ոտքի հուժկու հարվածով գրավեց մրցակցի դարպասը:

Հանդիպման վերջնամասում Սելարայանն իր ակտիվում գրանցեց նաև արդյունավետ փոխանցում. նրա ստեղծած հնարավորությունից արդյունավետ կերպով օգտվեց Ֆրանկո Վասկեսը՝ վերջակետ դնելով այս դիմակայությանը։

Նշենք, որ Կլաուսուրա-2026-ը Արգենտինայի Պրեմիեր Դիվիզիոնի տարվա երկրորդ կեսի («փակման») առաջնությունն է։ Նախկինում գործած ու 2025 թվականից վերադարձված այս ձևաչափով 30 թիմեր բաժանված են երկու գոտու։ Կանոնավոր փուլի (16-ական հանդիպում) արդյունքներով յուրաքանչյուր գոտու լավագույն ութնյակները դուրս են գալիս փլեյ-օֆֆ՝ պայքարելով չեմպիոնի տիտղոսի և Կոպա Լիբերտադորեսի ուղեգրի համար։

🔥 ¡EL CHINO ZELARAYÁN SE SACÓ LA MUFA Y PUSO EL 1-0 DE BELGRANO ANTE RACING EN AVELLANEDA!

▶️ ESPN Premium | Suscribite al Pack Fútbol | #TorneoClausura 🇦🇷 pic.twitter.com/aVBnKKRBWZ

— ESPN Argentina (@ESPNArgentina) October 11, 2026