Ֆրանսիայի հավաքականի նախկին ավագ և ՈՒԵՖԱ-ի նախկին նախագահ Միշել Պլատինին ՊՍԺ-ի վինգեր Խվիչա Կվարացխելիային անվանել է 2026 թվականի «Ոսկե գնդակը» նվաճելու իր ֆավորիտ՝ նշելով նաև Կիլիան Մբապեին, Ռոդրիին, Լամին Յամալին և Ֆաբիան Ռուիսին։
«Իրավիճակը բարդ է, քանի որ 10 տարի մենք ունեցել ենք Մեսսի-Ռոնալդու սերունդ… Հիմա ամեն ինչ շատ ավելի ազատ է, ինչպես տեսանք անցյալ տարի։ Այնպես որ, անուններ չեմ նշի. կարծում եմ՝ ամենաարդյունավետը Կիլիան Մբապեն է։ Թիմի համար շատ կարևորը, ինչպես տեսանք, Ռոդրին է։ Նա հիանալի հանդես եկավ Աշխարհի առաջնությունում։ Ամենաանհավանական տաղանդավոր ֆուտբոլիստը Լամին Յամալն է։ Ամեն ինչ նվաճածը Ֆաբիան Ռուիսն է… Այնպես որ, դա արդեն չորրորդն է։
Բայց ես կնախընտերեի Կվարացխելիային «Պարի Սեն-Ժերմենից», — Պլատինիի խոսքերն է մեջբերում Footmercato-ն։
«Ոսկե գնդակը» ամենամյա ֆուտբոլային մրցանակ է, որը շնորհվում է օրացուցային տարվա լավագույն ֆուտբոլիստին ֆրանսիական France Football ամսագրի կողմից։ Ներկայիս մրցանակակիրը ՊՍԺ-ի հարձակվող Ուսման Դեմբելեն է։
