Ալժիրի ազգային հավաքականի կիսապաշտպան և ավագ Ռիյադ Մահրեզը հայտարարել է միջազգային կարիերան ավարտելու մասին՝ ԱԱ-2026-ի 1/16 եզրափակիչում Շվեյցարիայից կրած պարտությունից (0:2) հետո:
Շվեյցարացիների հետ հանդիպումից հետո, որով Ալժիրը եզրափակեց իր ելույթները Մունդիալում, 35-ամյա ֆուտբոլիստը beIN Sports-ին տված հարցազրույցում անդրադարձել է խաղին և հաստատել հավաքականից հեռանալու լուրը.
«Իհարկե, նպատակ ունեինք առաջ անցնելու։ Կարծում եմ՝ դա մեր ուժերի սահմաններում էր։ Երկու գոլերն էլ բաց թողեցինք սեփական սխալների պատճառով, իսկ այս մակարդակում յուրաքանչյուր սխալի համար անմիջապես պատժում են։ Ընդհանուր առմամբ, թիմն արժանի խաղ ցուցադրեց։ Այո՛, սա իմ վերջին մրցելույթն էր աշխարհի առաջնություններում և վերջին խաղը հավաքականի կազմում»,- նշել է Մահրեզը։
Ռիյադ Մահրեզն Ալժիրի ընտրանու կազմում իր նորամուտը նշել էր 2014 թվականին։ Ազգային թիմի մարզաշապիկով փորձառու կիսապաշտպանն անցկացրել է 119 հանդիպում, դարձել 40 գոլի և 45 գոլային փոխանցման հեղինակ, ինչպես նաև նվաճել Աֆրիկյան ազգերի գավաթը։
