Ռուսաստանի Պրեմիեր լիգայի պաշտոնական կայքը պատասխանել է երկրպագուների և լրագրողների կողմից առավել հաճախ տրվող հարցերին:
Ապրիլի 1-ին Ռուսաստանի առաջնությունը դադարեցվել է մինչև մայիսի 31-ը՝ կորոնավիրուսի համաճարակի պատճառով:
Ե՞րբ կվերսկսվի Tinkoff ՌՊԼ-ի առաջնությունը:
Հենց գործադիր մարմինները չեղարկեն են հանրային միջոցառումների անցկացման և կազմակերպման սահմանափակումները:
Ինչպե՞ս է ՌՊՆ-ն պատրաստվում վերսկսել առաջնությունը:
ՌՊԼ-ի ղեկավարությունը Ռուսաստանի Ֆուտբոլայի միության գործընկերների հետ միասին մասնակցում է ՖԻՖԱ-ի, ՈւԵՖԱ-ի և այլ ֆուտբոլային կազմակերպությունների հետ անցկացվող բոլոր հեռավար կոնֆերանս հանդիպումներին, որոնք աշխատում են Եվրոպայի առաջնությունների վերսկսման ուղղությամբ: Անընդհատ թարմացվող տվյալների հիման վրա մենք դիտարկում ենք տարբեր օրացուցային տարբերակներ ընթացիկ և հաջորդ մրցաշրջանների համար: Ներկա դրությամբ մենք նախատեսում ենք վերսկսել առաջնությունը ցանկացած շաբաթվա ընթացքում՝ հունիսի կեսից մինչև հուլիսի կեսը: Մրցաշրջանը վերսկսելու ամսաթիվը կախված է կորոնավիրուսի տարածումից և իշխանությունների հրահանգներից:
Ճի՞շտ է, որ մնացած տուրերը հնարավոր է անցկացվեն առանց հանդիսականների:
Այո, կա այդպիսի հնարավորություն: ՌՊԼ-ի ղեկավարությունն ու ակումբները քննարկում են մրցաշրջանը խաղարկելու տարբեր տարբերակներ, ներառյալ առանց հանդիսականների: Մենք հասկանում ենք, որ առանց երկրպագուների խաղալը վատ է, ուստի մենք կընդունենք այս տարբերակը, եթե մնացած տարբերակները հնարավոր չլինեն:
Ավելի լավ չէ՞ հիմա առաջնությունն ավարտելը:
ՈւԵՖԱ-ն բոլոր լիգաներին խորհուրդ է տվել ավարտին հասցնել մրցաշրջանը մինչև վերջ, որպեսզի պահպանվեն մրցակցության ամբողջականությունը և որոշվեն չեմպիոնները, եվրագավաթների մասնակիցները և այլն:
Ինչպե՞ս են խաղացողները պատրաստվելու մրցաշրջանի վերսկսմանը:
ՌՊԼ-ն և ակումբները պայմանավորվել են առաջնության վերսկսման ամսաթիվը սահմանել դրա մեկնարկից առնվազն երեք շաբաթ առաջ, որպեսզի ֆուտբոլիստները ժամանակ ունենան նախապատրաստվելու:
