Երևանի գեղասահքի և տափօղակով հոկեյի մանկապատանեկան մարզադպրոցում այսօր մեկնարկում է տափօղակով հոկեյի աշխարհի IV դիվիզիոնի առաջնությունը։
Հայաստանի հավաքականը մեկնարկային խաղում կմրցի Մալայզիայի հավաքականի հետ։ Խաղը կմեկնարկի ժամը 20։00-ին։
Մրցումային առաջին օրվա խաղացանկը՝ ստորև․
Տափօղակով հոկեյի առաջնության շրջանակում կանցկացվի 15 հանդիպում, որոնց կմասնակցեն Հայաստանի, Իրանի, Քուվեյթի, Մալայզիայի, Ինդոնեզիայի և Ուզբեկստանի հավաքականները: Հանդիպումների տոմսերը վաճառվում են SHOW4ME.COM կայքում։ Բացի այդ՝ աշխարհի առաջնության ընթացքում Երևանում գործելու են երկու ֆան-գոտիներ Ազատության և Շահումյանի հրապարակներում, որոնցում տեղադրված մեծ էկրաններով երկրպագուները հնարավորություն կունենան ուղիղ հեռարձակմամբ հետևելու առաջնության հանդիպումներին։
Հիշեցնենք՝ Հայաստանի հավաքականը 15 տարվա դադարից հետո առաջին անգամ հանդես կգա միջազգային ասպարեզում։
