🎥📷 Ու կրկին հարևանները. Ալվարեսի ոտքն Ատլետիկոյի համար ճակատագրական եղավ

Չեմպիոնների լիգայի 2024/2025թթ․ խաղարկության 1/8 եզրափակչի պատասխան խաղում Մադրիդի «Ատլետիկոն» «Սիվիտաս Մետրոպոլիտանո» մարզադաշտում ընդունեց Մադրիդի «Ռեալին»։

Հանդիպման հիմնական ժամանակն ավարտվեց Դիեգո Սիմեոնեի գլխավորած թիմի հաղթանակով՝ 1:0: «Սերուցքայինների» երկրպագուներին տխրեցրեց Կոնոր Գալահերը խաղի առաջին րոպեին։

Պատասխան գնդակը կարող էր փրկել «Ռեալին» լրացուցիչ ժամանակից և հաղթանակ պարգևել «արքայական ակումբին» երկու խաղերում գրանցված հաշիվների արդյունքում, սակայն 70-րդ րոպեին լեհ մրցավար Շիմոն Մարցինյակի նշանակած 11 մետրանոցից վրիպեց «Ռեալի» հարձակվող Վինիսիուս Ժունիորը։

Մադրիդյան ակումբում բրազիլացին 8-րդ անգամ էր մոտենում նշակետին, մինչ այս բոլոր փորձերը հաջող էին։ Բրազիլիայի հավաքականում նա 2 անգամ վրիպել է, 1-ը՝ դիպուկ եղել։

Լրացուցիչ ժամանակում կողմերը գոլ չխփեցին։ Հաղթողը որոշվեց հետխաղյա 11 մետրանոց հարվածաշարով, որտեղ ուժեղ գտնվեցին «Ռեալի» ֆուտբոլիստները:

Այսպիսով, 1/4 եզրափակչում Մադրիդի «Ռեալը» կհանդիպի Լոնդոնի «Արսենալին»։ Մրցող թիմերի հանդիպումները կկայանան ապրիլի 8-ին և 15-ին։

 

1 of 6

- +

1.

2.

3.

4.

5.

6.

Ֆուտբոլիստների գնահատականներն ըստ Sofascore-ի

Խաղի հիմնական ժամանակում գրանցված գոլը, Վինիսիուսի վրիպումը

Հետխաղյա 11 մետրանոց հարվածաշարի տեսագրությունը